اصلى مُتغرب شوية
وفى رسايلك سلوى ليا
وديمة مشتاق فيها القى
ما يخفف كُلْ أسية
انا منك وانت ليا
وبرضو بينا صلات قوية
ومهما اتجاهل مشاعرى
القى سيرتك فيها حية
انتى دايما فى خواطرى
كلمة ملتاعة وشجية
ومرةالقاك فى دفاترى
مفردات نايرة وبهية
يالحضورك طاغى جارف
يالمقامك فى الثريا
راتعة فى حصن المعارف
وليك نفس راضية وابية
مهما اوصل او اشارف
انتى فى حصنك عصية
المسافة البينا طولا
عندى اصلا ما قضية
والامانى الفى قصورا
عايشة مفتونة ورضية
وانتى مايخيفك حضورا
فى المقامات العلية
ابقى حافظى على حبورا
والرسايل جيبى ليا
ما لقيتك نزوة عابرة
ولاحروف من غير هوية
وما كتبتك خاطرة فاترة
او قصايد غير سوية
انتى قصة فريدة نادرة
باقية خالدة وسرمدية
وليك مشاعر فيها قادرة
مؤمنة وورعة وتقية
لا حكت نفسك سوالف
لاها مالت للازية
ولا رسالينا بتخالف
لازمة صمتك دهبية
والشعور الفيكى حالف
تبقى للارحام وفية
فينى من وجدك خرافى
صبرى قليبك عليا
بيكى مفتونة القوافى
كلما احزن تسمو بيا
اصلى اطول من لحافى
وراضى بالمقسومة ليا