منتديات الفاشر
مرحباً يكم الي فاشر ابو زكريا


منتدي تعريفي لمدينة الفاشر السودانية في ولاية شمال دارفور
 
الرئيسيةالراكويةمكتبة الصورالتسجيلدخول
شارك في التعريف بمدينة الرشيد وأدعو أصدفائك الي هذا المنتدي لإانت الان جزء منه.... فكن عضو فعال
شارك في التعريف بمدينة الرشيد وأدعو أصدفائك الي هذا المنتدي لإانت الان جزء منه.... فكن عضو فعال
شارك برأيك في المنتي رأيك يعبر عنك و سوف يجد منا الإحترام
بحـث
 
 

نتائج البحث
 
Rechercher بحث متقدم
المواضيع الأخيرة
» أيام الفاشر الثانوية
الإثنين 2 ديسمبر - 21:32:40 من طرف ahmed adam

» الجــزء الاول من الــدورة
الأربعاء 27 يونيو - 6:34:15 من طرف ادريس كباشي

» دورة في الادوب فوتو شوب
الإثنين 25 يونيو - 6:44:01 من طرف ادريس كباشي

» مقدمة عن التكنلوجيا و التطبيقات العملية
الإثنين 25 يونيو - 1:08:27 من طرف ادريس كباشي

» محاضرات جميلة في التنمية البشرية و تنمية القدرات
الخميس 22 مارس - 17:37:14 من طرف Admin

»  دروس و محاضرات اسلامية رائع لعدد كبير من العلماء ومجاناً
الخميس 22 مارس - 17:21:29 من طرف Admin

» تمتع بتصفح القران و انت تتصفح النت و اكسب حسنات
الخميس 22 مارس - 17:15:40 من طرف Admin

» تابع للكتب الاسلاميه
الثلاثاء 13 مارس - 16:09:31 من طرف Admin

»  حمل كتب مميزة من مواقع مفيده
الثلاثاء 13 مارس - 15:50:11 من طرف Admin

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
ندعوكم للمشاركة الفاعلة للنهوض بالمنتدى

شاطر | 
 

 حِكايتى مع البنات يُمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالله
مهتم و مشارك
مهتم و مشارك


عدد المساهمات : 26
تاريخ التسجيل : 06/11/2010
العمر : 52
الموقع : الفاشر/ الكرانك

مُساهمةموضوع: حِكايتى مع البنات يُمة   الإثنين 3 يناير - 15:32:57


حكايتي مع البنات يمة

حكايتى مع البنات قصة
طويلةبتغلب الحكاى
بحب الناس صحيح أيوه
وحب الناس سكن جواى
لكن ديلا ريدن خاص
آسرنى وبحسو براى
وبسجل كل لحظة تمر
أكون قضيتا فى دنياى
بين نفحات عبير مُنعِش
أريج من وردة ليها هواى
بكون يا أمى بيناتن
أنا الشاعر وأنا الهداى
بكتب فى الجمال أشعار
واخص بى شعرى كل نُدماى
أغنى مع عيون ضاحكة
ومن أعماقى جاى غُناى
***************
حكايتى مع البنات يمة
حكايةزول بحب الكُل
بفتش نفسو فى ذاتهم
وفى عيون حوا بِلقى الضُل
وياخد جمة التِسفار
تقدم ليهو باقة فُل
***********
حكايتى مع البنات يُمة
حكاية تاه صلاهو الحر
وراح منو الامل فى حياة
كانت بالامل تذخر
دا حالى انا البقيت يمة
اهيم بى حبهن واسكر
بريدن ما بسيب ريدن
هواهن فينى اصلو قدر
وكم حاولت كم مرة
دمع الحرقة منى دفر
وطال ليلى سُهاد مُضنى
ليل الوحدة لى فتّر
رجعت هواهن اسبح فيهو
هل بحيا السمك فى الـبر؟!
****************
حكايتى اللسة بحكيها
حكاية عابد يتبتل
يصلى يصوم ويتهجد
يقيم الليل ويتنفل
وتشتاق روحو للجنة
ودمع الشوق كتير نزل
زهد فى الدنيا بالفيها
يسبح ديمة ما هو فتر
دا حالى انا البقيت ولهان
أفوتهن لحظة ما أقدر
************
حكايتي مع البنات يمة
طويلة فصولا ما بتكمــــــــــل
بريدن ريد اصيل ونبيل
وريدن باقى مهما حصل
وكيف يا يمة عاد ولدك
يخون العشرة يتبدل
*** *** ***
حكايتي اللسة بحكيها
حكـــاية سايح يتمنظـــر
في مرتفعات ومنخفضات
وياخد جمة عند التــــــل
وشلالات من المويــــــــة
في وحدات تحاكي شعر
ويسرح تانــــي يمشي بعيد
بعيد وبعيد بعيد اكتــــر
تتوه عينهو في الروعة
سهل ممتد جميــــل اخضر
هناك عند الجديول داك
سرب غزلان بيتجفـــل
منــــاظر تخلب الالبــاب
طيور مزهوة تتبختــــر
وهامت روحي يا يمة
وكيف ما عشقت الجــدول
**************
حكايتي مع البنات قصة
طويلة فصولا ما بتكمـــل
حكايتى مع البنات يمة
حكاية كلاما ياما يطول
فيها الحب وفيها الود
والاخلاص فصول وفصول
فيها القسمة والايثار
وشى معقول وشى مجهول
لكن مهما كان يمة
بظل بى حبهن مشغول
****************
حكايتى مع البنات يمة
حكاية شخص أوطانى
بحب بلدو وتراب بلدو
ويخدم فيهو متفانى
ويحصد خيبة الآمال
ويتسائل منو الجانى
لكن رغم هذا الحال
هواهن فينى وجدانى
***********
حكايتى مع البنات يمة
حكاية العاش عمر مليان
بحب الناس بموت فيهم
بحب الناس فى كل مكان
وبسأل عن بلاويهم
يذلل لو بقى الامكان
ولو فرضاً تساوى الحال
يسهِل بى كلام تحنان
محل ما يفوت يلاقيهم
معاهو الاهل والحِبان
أبعد كيف أسيب ريدن
وأنا الخلقونى بهواهن
أشيلن فى عيونى حنان
وجوة قليبى أرعاهن
ضعيف ما بحمل الفرقة
فى كل دقيقة بطراهن
وطيفن فى الخيال حوام
بحب يا أمى نجواهن
وليل الوحدة فيهو بكاى
وأحلامى بلقياهن
تموت الرغبة فى الدنيا
يمين يايمة لولاهن
وماتت فينا كم احلام
قسم يا أمى إلا هِن
نسيم دنيتنا طلتهن
وزاد أيامنا سلواهن
**************
حكايتى مع البنات يمة
حكاية روح مصاحباهن
ولو سألوك عن الفرحة
قوليلهم أنا الفرحان
ولو سألوك عن الاحزان
قوليلهم أنا الحزنان
وتب ما تقولى شئ يمة
لو سألوك عن الخُسران
بكل القلتو ليك أمى
جد بى حبهن إنسان
الرجوع الى أعلى الصفحة اذهب الى الأسفل
 
حِكايتى مع البنات يُمة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الفاشر :: الفئة الأولى :: المكتبة الإلكترونية-
انتقل الى: